Cymdeithas sy'n ymddiried yng nghynneddf y rheswm yw'r gymdeithas gomiwnyddol, ac fel y proffwydodd Goya ddwy ganrif yn ol 'mae'r rheswm yn esgor ar anghenfilod unwaith ei fod e'n dechrau breuddwydio.'

Ym marn yr adolygydd, gwendid dramatig oedd diriaethu syniadau o'r fath ar lwyfan yng Nghymru: 'Y mae eisiau llawer mwy o berswad nag a geir yma ar unrhyw gynulleidfa o wrandawyr fod rhinwedd yn y balchder aristocrataidd.' Proffwydodd, er hynny, fod y ddrama yn dynodi 'cam yn nhyfiant meddwl anghyffredin iawn, fel y caiff Cymru weled eto.' Yr oed y pegynnu rhwng Gruffydd a Lewis yn amlwg.