Contributed by: David Wood
Myfi yw Mab y Mynydd A châr y lluwch a'r gwynt, Etifedd hen gynefin Fy nhad a'm teidiau gynt; Mae 'Mot' fy nghi a minnau Y Cymry gorau gaed, Ein dau o hen wehelyth Ac arail yn ein gwaed. Caed eraill fywyd segur A byw ym miri'r dref; Ond gwell gan lanc o fugail Gael bod dan las y nef. Ond gwell gan lanc o fugail Gael bod dan las y nef. Nis gwn pa beth yw cysgu Ond hyd nes torro'r wawr, A 'molchaf fel y crëyr Yng nghawg y ceunant mawr. Mae gennyf fil o ddefaid Ar lechwedd ac ar ddôl, A neb ond 'Mot' a minnau I edrych ar eu hôl. Caed eraill wisg o sidan, A'u beio pwy a faidd? Ond gwell gan lanc o fugail Gael diwyg fel ei braidd. Can gwell gan lanc o fugail Gael diwyg fel ei braidd. Ni fynnwn burach mwyniant Na charu'r w+yn a'r myllt Neu lamu dros y marian Ar ôl yr hyrddod gwyllt; A chyfwr' ddiwrnod cneifio I sôn am gampau'r cw+n, Gan fyw wrth nant y mynydd A marw yn ei sw+n. Caed eraill faen o fynor A thorch o flodau ffug, Ond gwell gan 'Mot' a minnau Gael beddrod yn y grug. Mil gwell gan 'Mot' a minnau Gael beddrod yn y grug.