Contributed by: David Wood
Cwsg fy anwylyd di-nam, Tecach na'r rhosyn wyt ti; Huna ym mynwes dy fam, Tarian dy fywyd yw hi. Gwelw yw'r nos wrth y drws, Lleddf ac ystormus ei chri; O mae dy ruddiau di'n dlws, Cannwyll fy llygaid wyt ti. Draw ar y don mae dy dad, Ymladd ā gwyntoedd yr aig. Dychwel wna eto i'w wlad At ei anwylyd a'i wraig. Gweled dy wyneb mae'n awr, Clywed dy lais ar y lli; O mae'n dy garu di'n fawr, Cannwyll ei lygaid wyt ti. Stormydd y gaeaf a'u gwg Eto ar fyrder a ffy; Gwanwyn a'i lesni a ddwg Fywyd o londer i lu; Tithau, fy mhlentyn di-nam, Chwerddi ar dywod y lli, Efo'th gwch bychan a'th fam, Cannwyll ei llygaid wyt ti. Rhuo mae'r gwynotedd o hyd, Tuchan yn ffenestr y cefn; O 'r wyt ti'n gariad i gyd, Rho imi gusan drachefn, Bellach, gorweddwn i lawr, Cysga, 'si lwli, si, si'; Huna, wel huna yn awr, O cannwyll fy llygaid wyt ti.