Contributed by: Darren Wyn Rees
Affrig! Ai ynnot ti y caed y gw+r, Yr unig un, a gynorthwyai'm Duw, Pan ar ei iawnol daith tua Chalfari Y cerddai'n wael ei wedd, a'r ffordd o'i ol Oll wedi `i gwlitho a+ defnynnau gwaed? Daw dydd bydd pawb o'th fewn yn dwyn ei groes? Tydi anedwydd wlad, sy oll yn wyw, Affrig, sy fyth yn wylo, fyth yn brudd, Wrth feithrin ar dy fronnau briw genhedlaeth Ar ol cenhedlaeth i gaethiwed trwm; Ti, raib gorthrymder, bro ddi-nerth y caeth, Lle cenfigennir wrth y mil tylawd Ei ddiogelwch yn ei dywell ffau,- IOR! Clyw y waedd. Bloedd myrddiwn ydyd hon, Ers llawer oes mae'n syfrdanu'r nen; A gor-ddisgleirdeb dy ddyfodiad chwal Y nos o orthrwm sy'n pruddhau ei thir. Amerig, gwrida! Ti sy'n dal y cledd Yng nghalon mamau Affrig. Atat ti Mae mo+r y barnau'n chwyddo'u huthraf lanw. Affrig! Derbynia'm dagrau, a thydi, Y Nef drugarog, fy ngweddiau taer Am ddydd gollyngod a rhyddhad ei thorfoedd,- Y dydd y plennir baner deg y groes Ar Fryniau'r Lloer, y chwyddir anthem hedd Trwy Ethiopia lofr; a phan y bydd Sahara yn blodeuo fel y rhos. - William Thomas (Islwyn)