Contributed by: Darren Wyn Rees
[Dyma enw un o ganiadau ceinaf Islwyn. Ceir hi yn y Gwaith, fel rhan o'r "Storm," tud. 52. Wele ddau bennill eto ohoni, y ddau bennill olaf, na chyhoeddwyd o'r blaen.] Rhwng bydoedd fyrdd y nefoedd dlos, Mawreddau i hymerodraeth fawr, Tramwya eangderau'r nos A chwmwl ar ei gwawr. Ah! Nid oes ar orseddfainc hedd i'r fron, Ac nid ar orsedd y mae bod yn llon. Fry yn ei gwae, Ar orsedd wen, Hiraethu mae Am loewach nen. Siomedig yw. Ond nid y hi Yn unig yn siomedig sy; Gw+yr ereill am wywedig wedd, Mae gobaith ereill yn y bedd. A gwaith aml un, siomedig Loer, Yw crwydro rhwng y beddau oer; Ac ymgysuro ar y dywell hynt Ym malmaidd gofion yr amseroedd gynt; Ac wrth y galon brudd Ymddiddan am y dydd Y cawn eu cyfarch ar orseddfa wen, Mewn gloewach nen.