Contributed by: Darren Wyn Rees
Mae seren lawn goruwch dy fedd, Y seren fore lon; A gwynfa lawn o hedd Nawf amgylch ogylch hon; Hi gyfyd, cyfyd yn y man, A daw y bedd, y bedd i'r lan. Bydd dawel yna, fwynaf un; Cwyd oddiar y bedd bob awr Be+r arogl darth o fwynaf rin Nes swyno `r nef yn nes i lawr; Ac ymyl yr anfarwol ddydd Oleua fin dy feddrod prudd. Ym mhell o fewn dy fedd, O fewn y gwagle oer, Canfyddaf flaen o ddwyfol hedd Fel penrhyn lloer; A goleu o'r baradwys bell Yn ffrydio dros yr uchder gwell. Gadawyd, hwyr o haf, Awelig uwch y fan; Ac yno fyth y caf Ei hadsain wan; O fore dedwydd, pan y daw Yr oll i'r lan,- Y galon hon, a'r awel wan, A'th ffurf tegeiddiaf, oll i'r lan. - William Thomas (Islwyn) Mehefin, 1856