Contributed by: Darren Wyn Rees
(Baban Dewi Wyn o Esyllt; ar ei gais) O ddistaw fro diddymdra cu Pam daethost ti, Matilda dlos? A dwed paham, i'n daear ni; Yn ol, Matilda, dos. Ond pwy a'th arwain yno mwy? Ni chlywaf ond yr adsain,- Pwy? Y ddaear hon, bro trallod yw, A throsti chwyth ystormydd hy; I'r bedd gogwydda `i blodau `n wyw, Aml flodyn hawddgar fel tydi : Ond dysg ar dawel ddull i ddwyn Pob awel oer, Matilda fwyn. O edrych tua'r fynwent draw, Mae mlodau i yn gwywo yno; O edrych ar y bedd gerllaw, Matilda, mae fy nghalon ynddo, Yn ddrylliau ynddo, ac nid oes A'i rhwyma `nghyd ond balm y groes. Ac O, i fyny edrych di, I fyny tua broydd hedd; Ah! Nid oes yno siomiant du, Matilda, nid oes yno fedd; Ac yno nid oes athrist gw+yn I'w glywed fyth, Matilda fwyn. - William Thomas (Islwyn)