Contributed by: Darren Wyn Rees
Nid Hwn, Ond Barabas "Nid hwn ond Barabas!" Parha y floedd; Holl leisiau'r oesau unant i'w pharhau. Distawa, anghredadyn. Taw! Paham Y beiit arall am dy fai dy hun? Y mae'r ddaeargryn engyrth ar ei thraed, Gad iddi hi gyhuddo'r Iddew tlawd; Ac i'th ystafell dos, a gwrando'n sobr Yr unrhyw floedd yn darstain drwy dy enaid, Ac ar dy ol, trwy wagle llawer blwydd,- "Nid Hwn, ond Barabas." "Nid Hwn, ond Chwant." `Roedd Barabas ei hun yn well na Satan; A llai eu pechod a'u dewisant ef O flaen eu Ceidwad, na thydi sy'n dewis Holl gethern Annwfn, a Satan, yn ei le. - William Thomas (Islwyn)