Contributed by: David Wood
Awn allan, fwyn forynion, Fe ddaeth Gw+yl Ifan ddoeth, Boreddydd y Bedyddiwr gwyn Sy'n euro'r bryniau noeth. Awn allan efo'n gilydd I droed y Mynydd Mawr I rwymo'r llwdwn gwyn ei wlān A blodau teg eu gwawr. Cyn yfo'r haul y manwlith O gwpan-flodau'r waun, A chyn i'r tes a'i wridog wres Ymwibio'n ōl a blaen, Awn allan efo'n gilydd I droed y Mynydd Mawr I blethu grug yn gorlan glws Cyn iddi dorri'r wawr. Awn allan, fwyn forynion, Mae'r cloddiau'n wyrddion las, A'r adar glān yn ceincio cān Rhwng brigau'r brysglwyn bras. Awn allan efo'n gilydd. O awel, saf yn syn, I weled llun y crinllys cun Yn llonydd ddwfr y llyn. Awn allan yn gariadlon I droed y Mynydd Mawr, I ddisgwyl cān rhyw fugail glān Cyn agor dorau'r wawr. Awn, deuwn, efo'n gilydd, A dawnsiwn ar y bryn, Nes delo'r dydd i roddi'n rhydd Y gwlanog lwdwn gwyn.