Contributed by: David Wood
Arwelfa (John Hughes) Arglwydd, gad im dawel orffwys Dan gysgodau’r palmwydd clyd, Lle yr eistedd pererinion Ar eu ffordd i’r nefol fyd; Lle’r adroddant dy ffyddlondeb Iddynt yn yr anial cras, Nes anghofio’u cyfyngderau Wrth foliannu nerth dy ras. O! mor hoff yw cwmni’r brodyr Sydd â’u hwyneb tua’r wlad, Heb un tafod yn gwenieithio – Heb un fron yn meithrin brad: Gwlith y nefoedd ar eu profiad, Atsain hyder yn eu hiaith; Teimlant hiraeth am eu cartref, Carant sôn am ben eu taith. Arglwydd, dal ni nes mynd adref, Nid yw’r llwybr eto’n faith; Gwened heulwen ar ein henaid, Wrth nesáu at ben y daith; Doed y nefol awel dyner I’n cyfarfod yn y glyn, Nes in deimlo’n traed yn sengi Ar uchelder Seion fryn.