Index: Tryfanwy (John Richard Williams) (1867-1924)

Diwedd Blwyddyn

Author: Tryfanwy (John Richard Williams) (1867-1924)

Contributed by: David Wood

Medraf ganu ffarwel
   I'r mynyddoedd mawr;
Medraf beidio  disgwyl
   Tlysni'r hwyr na'r wawr.

Nid oes arnaf hiraeth
   Am na choed na lli;
Ac nid ydyw'r Gwyliau
   Fawr o bwys i mi.

Er nad wyf ond ifanc,
   Gwn am waetha'r byd,
Ac mi fedraf ganu
   Ffarwel iddo i gyd -
      Medraf, unrhyw bryd.

Nid yw tragwyddoldeb
   Yntau'n poeni 'mron -
Pam yr ofnaf hwnnw
   Mwy na'r foment hon?

Ond mae arnaf arswyd
   Canu'n iach ag un, -
Arswyd gadael honno
   Yn y fath fyd ei hun.

O, na fedrem groesi
   Freichfraich dros y lli,
Minnau'n marw'r marw
   Bennwyd iddi hi -
   F'annwyl unig i!