Contributed by: David Wood
Mi bellach goda' maes Ar fore glas y wawr I weld y blodau hardd Sy 'ngardd fy Iesu mawr: Amrywiol ryw rasusau pur, A ffrwythau'r paradwysaidd dir. Edrychwch draw i'r de A'r gogledd, y mae rhes O harddach brennau lliw Po fwyaf bo yn nes; Eu peraidd flas a'u 'roglau llawn Sy'n dangos nefol, ddwyfol ddwan. O anghyffelyb flas! O amrywioldeb lliw! Hyfryta' erioed a gaed Ar erddi gwlad fy nuw; Hi, Gilead fwyn a'i haroglau pur Bereiddiodd awel Canaan dir. Mae'r pomgranadau pur, Mae'r peraroglau rhad Yn magu hiraeth cry' Am hyfryd dy fy Nhad; O Salem bur! O seion wiw! Fy nghartre i a chartre'm Duw. 'Does le i aros dim, Mi glywa' rym y ne 'Nawr yn fy ngalw i 'mlaen Yn fuan ato Fe; Ffarwl, ffarwl, ddeniadau'r byd, Methodd eich tegwch fynd a'm bryd.