Contributed by: David Wood
Pererin wyf mewn anial dir Yn crwydro yma a thraw, Ac yn rhyw ddisgwyl bob yr awr Fod ty+ fy Nhad gerllaw. Ac mi debygaf clywa' i sw+n Nefolaidd rai o'm blaen Wedi concwero a mynd trwy Dymhestloedd dw+r a thân. Tyrd, Ysbryd sanctaidd, ledia'r ffordd, Bydd imi'n niwl a thân; Ni cherdda' i'n gywir hanner cam Nes elost o fy mlaen. Mi wyraf weithiau ar y dde, Ac ar yr aswy law; Am hynny arwain gam a cham Fi i'r Baradwys draw. Mae hiraeth arna' i am y wlad Lle mae torfeydd di-ri Yn canu'r anthem ddyddiau'u hoes Am angau Calfari.