Index: Owen: William Williams (Pantycelyn) 1717-1791

Tegwch yr Anweledig

Author: Owen: William Williams (Pantycelyn) 1717-1791

Contributed by: David Wood

Anweledig, 'r wy'n dy garu,
  Ac ni fedda' i yn y byd
Wrthrych alla' i bwyso arno,
  Wrthrych da rhoi iddo 'mryd;
    'Does fy lleinw
  O bob pleser ond dy hun.

Ti'm harweiniast o'r creadur
  Ar hyd llwybrau geirwon iawn;
Ni ches lonydd gyda 'mhleser
  Fyth na bore na phrynhawn;
    Yn yr anial
  Dwedaist eiriau wrth fy modd.

'R wyf yn fodlon i'th geryddon,
  Pan 'nabyddwyf mai dy lais
Sy'n fy nwyn o blith y llewod,
  O bob gormes, o bob trais;
    Gwell ni diliau
  Yw deniadau geiriau'r nef.

'Chlywodd clust, ni welodd llygad,
  Ac ni ddaeth i galon dyn
Erioed feddwl na dychymyg
  Y fath ydwyt ti dy hun;
    Rhagor decach
  Wyt nag welodd nef na llawr.

Ac 'r wyf finnau yn dy garu
  Uwch a welais eto erioed,
Uwch a glywais sn amdano,
  Neu ynteu a ddychmygais fod;
    Dyma fflamau
  Perffaith, mwyn trigannau'r nef.