Ond y tu ôl i'r triawd, neu y pedwarawd destlus yma, mae yna rwydwaith annirnadwy o gymhleth, gyda llu o ddylanwadau, bach a mawr, yn effeithio ar bob digwyddiad a phob cyfnewid sydd yn bodoli rhyngddynt yn barhaol.

Dichon fy mod yn camddeall, ond mi gymerais i hyn i olygu ein bod ni, feidrolion, fel popeth arall a wnaed o fater, yn ymddatod ryw bryd annirnadwy bell i ronynnau gwaelodol y cosmos; ein llwch o atomau gwahanol elfennau yn troi'n ronynnau egni annistryw.