O Efrog Newydd i Rio, ac yna, yn Rio, archebu sedd mewn awyren i Belem, nodi a oedd unrhyw un arall o'r awyren o Rio yn gwneud yr un peth.

O faes awyr Belem yng nghar y Weinerts, yna i Ogledd y dref ar hyd ffyrdd di-darmac, drwy resi dirifedi o gabanau unllawr, drwy heidiau o blant mewn trwsusau llac a festiau, a rhywle yn y fan honno, rhwng cūn a chymdogion hanner noeth, tywyll eu croen, y dyn yn y siaced law, DR.

Yn Belem, gyda chopi o'r Badische Zeitung o dan fy nghesail, tynnu sylw'r cysylltydd a rhoi arwydd i hwnnw bod rhywun yn fy nilyn os oedd angen, drwy roi'r papur heibio.