Dau hen glogwyn diwerth a fu'n feini trarngwydd--yn llythrennol felly--i'r oruchwyliaeth trwy gydol y blynyddoedd oedd 'Y Negro' yn adran Califomia a'r Diffwys, a'r 'Ceiliog Mawr' yn adran Wellington a Victoria.

Post o wenithfaen solet yn rhedeg uwy lechfaen da yw'r 'Negro' (y mae yno o hyd, ac yno y bydd bellach.) Dylesid fod wedi ei symud er dechrau'r ganrif gan iddo fod yn rhwystr i ddatblygu o leiaf bum ponc o lechfaen ardderchog, sef Califomia, Pen Diffwys, Ponc Mosys, New York a'r Bonc Fawr.