Mae'n arwyddocaol, hefyd, mai'r bobl normal yw'r rhagrithwyr, ac mai Daz yw'r un gonest.
Ychydig iawn mae Daz yn ei ddweud trwy'r ddrama, ond mae'r hyn y mae'n ei ddweud yn ddoethineb.
Mae'r gwrthdaro'n amlwg trwy'r ddrama; gwrthdaro rhwng tawelwch Daz, y dieithryn, a chlegar y trigolion 'naturiol'.
Ond nid yw Daz yn gwneud dim sy'n groes i normalrwydd, dim ond byw mewn pabell.
A'r drasiedi fawr yn hyn i gyd yw nad yr hen bobl yn unig sydd yn ymddwyn fel hyn - mae'r ddau ifanc hefyd yn ymagweddu yn yr un modd, tuag at Daz a thuag at Llwyddan.