Mae gwaith fel hyn dipyn yn newydd i chi, ond yr ydw i wedi hen arfer â fo.' Wedi dweud hyn, symudodd Ernest i siarad â rhyw sbrigyn o fonheddwr, a dywedodd yn rhy isel i Harri allu ei glywed: `Mi wna i i'r d l ene dorri corn ei wddw neu gorn gwddw ei geffyl cyn canol dydd.' Canodd y corn, ac ymaith â'r cŵn, a'r marchogion yn eu dilyn.

Efallai fod yswain yn ei ystyried ei hun yn fwy o fonheddwr yn ei dŷ yn y dref neu'r ddinas, ond yr oedd ei wreiddiau yn y wlad ar ei ystad ac, heb honno, nid oedd yn fonheddwr o gwbl.