Yma fe geir ochr aeddfetach i'r mynegiant yng ngherddoriaeth Chouchen, wrth iddynt gyfeirio at y ffaith nad yw pobl yn dueddol o gofio'r hyn a ddysgir mewn ysgolion a cholegau, ond eto i gyd yn cael dim trafferth hel atgofion am yr holl sothach a geir ar y teledu.

Wedi dweud hynny mae'r naws werinol yn parhau i fod yn bresennol, wrth i'r ffliwt chwarae rhan allweddol yng ngherddoriaeth y grwp – yn union fel ar La-La.