I hwyluso'r cysoni, gellir trefnu'r cyfrifon ariannol yn y fath fodd fel bod gwybodaeth ar gael sy'n ddefnyddiol wrth gymharu un set o lyfrau â'r llall; er enghraifft, gellir rhannu cyflogau yn y lejer yn gyflogau uniongyrchol a rhai anuniongyrchol, y cyfrif pryniannau yn nwyddau crai a nwyddau eraill, a'r treuliau yn rhai'r ffatri, y swyddfa, a'r adran farchnata.

Y mae'r gyllideb gwerthiannau yn effeithio ar gynnyrch y ffatri, ar y pryniannau ac ar ddylifiad arian; yn yr un modd, bydd y cyfyngiadau ar gynhyrchu yn penderfynu pa faint y gellir ei werthu.