Contributed by: David Wood
O sancteiddia f' enaid, Arglwydd,
Ym mhob nwyd ac ym mhob dawn;
Rho egwyddor bur y nefoedd
Yn fy ysbryd llesg yn llawn;
Na fi grwydro
Draw nac yma o fy lle.
Llwybr cul gwna'n llwybr esmwyth,
Tyle serth yn wastad iawn,
Cyfyngderau chwith a chroesau
O ddiddanwch pur yn llawn;
Edrych trwyddynt
I fynyddau ty fy Nhad.
Ti dy hunan all fy nghadw
Rhag im wyro ar y dde,
Rhedeg eilwaith ar yr aswy,
Methu cadw llwybrau'r ne;
O tosturia,
Mewn anialwch 'r wyf yn byw.
Planna'r egwyddorion hynny
Yn fy natur bob yr un
Ag sydd megis peraroglau
Yn dy natur Di dy hun;
Blodau hyfryd
Fo'n disgleirio daer a nef.
Fel na chaffo'r pechod atgas,
Mwg na tharth o'r pydew mawr
I fy nallu ar y llwybr
Na fy nhaflu fyth i lawr,
Gwna im gerdded
Union ffordd wrth olau dydd.